Lilit Harutyunyan

Converse Bank

Կոնվերս Բանկը հիմնադրվել է 1993թ. եւ գործում է ՀՀ Կենտրոնական Բանկի թիվ 57 լիցենզիայի հիման վրա: Բանկը մատուցում է ունիվերսալ բանկային ծառայություններ՝ առանձնակի կարեւորելով մանրածախ բանկային ծառայությունների մատուցումը եւ զարգացումը: Բացի մասնաճյուղային ցանցից, բանկային ծառայություններ է մատուցում Մոբայլ բանկ, Ինտերնետ բանկ առցանց հարթակներում, ինչպես նաև Առցանց վճարումների հարթակում: Բանկը հանդիսանում է SWIFT վճարահաշվարկային, VISA միջազգային քարտային վճարային համակարգերի լիիրավ անդամ, ArCa տեղական քարտային վճարային համակարգի հիմնադիր անդամ եւ MasterCard միջազգային քարտային վճարային համակարգի աֆիլացված անդամ: Համագործակցում է MoneyGram, Unistream վճարային համակարգերի հետ: Հանդիսանում է Converse Transfer վճարային համակարգի օպերատորը եւ հաշվարկային բանկը: Բանկը նաև սպասարկում է MIR վճարային համակարգերի քարտերը և թողարկում է ARCA-MIR քարտը, որը սպասարկվում է MIR տարբերանշանը կրող սպասարկման կետերում և բանկոմատներում: ՀՀ պետական գանձապետական կարճաժամկետ, միջին ժամկետայնության եւ երկարաժամկետ արժեկտրոնային պարտատոմսերի շուկայում պետական պարտքի կառավարման գործակալ է, Հայաստանի ֆոնդային բորսայի մասնակից: «Հայաստանի կենտրոնական դեպոզիտարիա» ԲԲԸ հաշվարկային եւ հաշվառման միասնական համակարգի անդամ է: Կոնվերս Բանկն ունի 35 մասնաճյուղ, որոնցից 15-ը՝ Երեւանում, 19-ը` Հայաստանի մարզերում եւ 1-ը`ԼՂՀ-ում, ինչպես նաեւ 125 բանկոմատ եւ 82 վճարային տերմինալ Հայաստանի ամբողջ տարածքում: «Կոնվերս Բանկ» ՓԲԸ բաժնետերերն են` «Ըդվանսդ Գլոբալ Ինվեսթմենթս» ԷլԷլՍի-ն (72.89%), «ՀայՓոստ Թրասթ Մենեջմենթ Բի. ՎԻ.» ընկերությունը (22.11%), Հայաստանյաց Առաքելական Սուրբ Եկեղեցին (5%): Բանկն ունի 855 աշխատակից: Մասնաճյուղեր - https://conversebank.am/hy/branches/ Հաճախ տրվող հարցեր - https://conversebank.am/hy/faq/ Գաղտնիության քաղաքականություն- https://conversebank.am/hy/regulation/